യുകെ :- മുട്ടയ്ക്കെന്താ വില? എട്ട് രൂപയല്ലേ… കൂടിപ്പോയാൽ ഒരു പത്ത് രൂപ അല്ലെ!
എങ്കിൽ നിങ്ങൾ ഇരുപത്തിനായിരത്തിലധികം രൂപ വരുന്ന മുട്ട കണ്ടിട്ടുണ്ടോ? ഇല്ലെങ്കിൽ കാണാം. യുകെയിലാണ് ഈ മുട്ട ഉള്ളത്. സാധാരണ മുട്ടയുടെ നിന്ന് വ്യത്യസ്തമായി ഉരുണ്ട് വട്ടത്തിലായിരുന്നു ഈ മുട്ടയുടെ ആകൃതി എന്നതാണ് ഈ മുട്ടയുടെ ഡിമാൻഡ് വർധിക്കാൻ കാരണമായത്.
സ്‌കോട്ട്‌ലന്‍ഡിലെ യുവതിക്കാണ് സൂപ്പർമാർക്കറ്റിൽ നിന്നും ഈ അത്യപൂർവ മുട്ട ലഭിച്ചത്. പിന്നീട് ഒരു കൌതുകത്തിൻ്റെ പുറത്ത് ഇവർ ലേലങ്ങള്‍ നടത്തുന്ന സ്ഥാപനത്തെ ബന്ധപ്പെടുകയും മുട്ടയുടെ സവിശേഷതയെപ്പറ്റി അവരെ അറിയിക്കുകയുമായിരുന്നു. ഇതിനിടെ ലാംബോണ്‍ സ്വദേശിയായ എഡ് പൗനല്‍ എന്നയാൾ മദ്യപിച്ചെത്തി അതിൻ്റെ ഹാങോവറിൽ 16000 രൂപയ്ക്ക് ഈ മുട്ട വാങ്ങി. പിന്നീട് മദ്യത്തിന്റെ കെട്ടിറങ്ങി കഴിഞ്ഞതോടെ ഇയാൾ മറ്റൊരു ലേലത്തിന് മുട്ട എത്തിച്ചതോടെയാണ് മുട്ടയ്ക്ക് പൊന്നും വില ലഭിച്ചത്.
ഓക്‌സ്‌ഫോര്‍ഡ് കേന്ദ്രീകൃതമായി പ്രവര്‍ത്തിക്കുന്ന ചാരിറ്റി ലുവെന്റസ് ഫൗണ്ടേഷന് ഇയാൾ മുട്ട കൈമാറി. പിന്നീട് ചാരിറ്റി ലുവെന്റസ് ഫൗണ്ടേഷന് ഡിസംബര്‍ 11ന് ഈ മുട്ട 21, 000 രൂപയ്ക്ക് ലേലത്തില്‍ വിറ്റഴിക്കപ്പെടുകയായിരുന്നു.
അതേസമയം മുട്ടയുടെ ആകൃതികൊണ്ടും വിലകൊണ്ടും മാത്രമല്ല ഈ സംഭവം വാർത്തകളിൽ ഇടം പിടിച്ചിരിക്കുന്നത്. ഓക്‌സ്‌ഫോർഡ്‌ഷെയറിൽ ഉടനീളമുള്ള ചെറുപ്പക്കാർക്ക് ലൈഫ് കോച്ചിംഗ്, മെൻ്ററിംഗ്, മാനസികാരോഗ്യ സഹായം എന്നിവ നൽകാനായി മുട്ട വിറ്റ പണം ഉപയോഗിക്കുന്നതെന്നാണ് ഇതിൻ്റെ കാരണം.
