അൽമുക്താദിർ ജ്വല്ലറിയിൽ നടന്ന ഇൻകം ടാക്സ് റെയ്ഡിൽ 380 കോടിയുടെ നികുതി വെട്ടിപ്പ് കണ്ടെത്തി. വൻ തോതിൽ കളളപ്പണം വെളിപ്പിച്ചെന്നും കണ്ടെത്തി. കേരളത്തിൽ മാത്രം 380 കോടി രൂപയുടെ നികുതി വെട്ടിപ്പാണ് കണ്ടെത്തിയിരിക്കുന്നത്.
മണിച്ചെയിൻ മാതൃകയിലൂടെ അൽമുക്താദിർ ജ്വല്ലറി കോടികൾ കൈപ്പറ്റിയെന്നാണ് കണ്ടെത്തിയിരിക്കുന്നത്.
ദുബായിൽ നിരവധി നിക്ഷേപങ്ങൾ നടത്തിയിരിക്കുന്നത് ആദായ നികുതി റിട്ടേണിൽ രേഖപ്പെടുത്തിയിട്ടില്ലെന്നും, വിദേശത്തേക്ക് 50 കോടി രൂപ കടത്തിയെന്നും കണ്ടെത്തിയിട്ടുണ്ട്.
പഴയ സ്വർണം വാങ്ങിയതിന്‍റെ മറവിലായിരുന്നു തട്ടിപ്പുകൾ നടന്നത്. മുംബൈയിലുള്ള ഗോൾഡ് പർച്ചേസ് സ്ഥാപനമായ യുണീക് ചെയിൻസിലും പരിശോധന നടന്നു. അൽമുക്താദിറുമായി നടത്തിയ കച്ചവടത്തിൽ 400 കോടിയുടെ ക്രമക്കേട് കണ്ടെത്തി. ഇൻകം ടാക്സ് ഇൻവെസ്റ്റിഗേഷൻ തിരുവനന്തപുരം യൂണിറ്റാണ് റെയിഡ് നടത്തിയത്.
