മോഹൻലാലിൻ്റെ ബിഗ് ബജറ്റ് ചിത്രം കണ്ണപ്പ ; ഫസ്റ്റ് ലുക്ക് പുറത്ത്.
മുടിയും താടിയും നീട്ടി വ്യത്യസ്തമായ ലുക്കിലാണ് മോഹൻലാലിന്റെ കഥാപാത്രം. പോരാളിയെ പോലെ മുഖത്ത് കരി തേച്ച് കയ്യിൽ വാളുമായി നിൽക്കുന്ന മോഹൻലാലിന്റെ ലുക്ക് വൈറലാവുകയാണ്. പരമശിവൻ്റെ ഭക്തനായ ‘കണ്ണപ്പ’ യുടെ പുരാണ കഥയിലെ ഉഗ്രനായ കഥാപാത്രമായ ‘കിരാത’ൻ്റെ വേഷത്തിൽ മോഹൻലാൽ തീവ്രവും ഗോത്രവർഗ്ഗവുമായ ലുക്കിലാണ് പോസ്റ്റർ വെളിപ്പെടുത്തുന്നത്. ചിത്രത്തിൽ അതിഥി വേഷത്തിലാണ് താരം എത്തുന്നത്. ബിഗ് ബജറ്റ് ചിത്രം കണ്ണപ്പയിലെ മോഹൻലാലിന്റെ ഫസ്റ്റ് ലുക്ക് കിരാത എന്ന കഥാപാത്രമായാണ് മോഹൻലാൽ എത്തുന്നത്.
100 കോടി ബജറ്റിൽ ഒരുങ്ങുന്ന ചിത്രം
യഥാർഥ സംഭവ കഥയെ
അടിസ്ഥാനമാക്കിയാണ് ഒരുങ്ങുന്നത്.
കണ്ണപ്പ എന്ന ശിവ ഭക്തന്റെ കഥ പറയുന്ന ചിത്രം 1976 ൽ പുറത്തിറങ്ങിയ തെലുങ്ക് ചിത്രം ഭക്ത കണ്ണപ്പയ്ക്കുള്ള സമർപ്പണം എന്ന നിലയിലാണ് ഒരുങ്ങുന്നത്. വിഷ്ണു മഞ്ജുവിനെ പ്രധാന കഥാപാത്രമാക്കി മുകേഷ് കുമാർ സിങ് സംവിധാനം ചെയ്യുന്ന ചിത്രത്തിൽ ബോളിവുഡിലേയും
തെന്നിന്ത്യയിലേയും സൂപ്പർതാരങ്ങളും അഭിനയിക്കുന്നുണ്ട്. അക്ഷയ് കുമാർ, പ്രഭാസ് തുടങ്ങിയവരാണ് സിനിമയിൽ അതിഥി വേഷത്തിലെത്തുന്നത്. ശിവന്റെ വേഷത്തിലാണ് അക്ഷയ് കുമാർ.
ഹോളിവുഡ് ചായാഗ്രാഹകൻ ഷെൽഡൻ ചാവു ആണ് കണ്ണപ്പയ്ക്ക് വേണ്ടി കാമറ ചലിപ്പിക്കുന്നത്. കെച്ചയാണ് ആക്ഷൻ കൊറിയോഗ്രാഫർ. ചിത്രം അടുത്ത വർഷം ഏപ്രിൽ 25ന് തിയറ്ററുകളിലെത്തും.
