തമിഴ്‌നാട് : സർക്കാർ സ്കൂളുകളില്‍ പഠിച്ച്‌ വിദേശത്തെ സ്ഥാപനങ്ങളില്‍ ഉപരിപഠനത്തിന് പോകുന്ന വിദ്യാർഥികളുടെ ആദ്യ യാത്രച്ചെലവ് സർക്കാർ വഹിക്കും. രാജ്യത്തിന്റെ വിവിധഭാഗങ്ങളിലെ പ്രമുഖ സ്ഥാപനങ്ങളില്‍ ഉന്നതവിദ്യാഭ്യാസത്തിനു പോകുന്നവരുടെ ചെലവും സർക്കാർ പങ്കിടും. മുഖ്യമന്ത്രി എം.കെ. സ്റ്റാലിൻ അറിയിച്ചതാണ് ഇക്കാര്യം.
സർക്കാർ സ്കൂളുകളില്‍ പഠിച്ച്‌ ഉന്നതവിദ്യാഭ്യാസത്തിനു പോകുന്നവരെ പ്രോത്സാഹിപ്പിക്കുന്നതിന് തമിഴ്‌നാട് കൈക്കൊള്ളുന്ന നടപടികളുടെ ഭാഗമാണിത്. 6 മുതല്‍ 12വരെ ക്ലാസുകളില്‍ സർക്കാർ സ്കൂളുകളില്‍ പഠിച്ച കുട്ടികള്‍ സംസ്ഥാനത്തെ കോളേജുകളില്‍ ഉപരിപഠനത്തിന് ചേരുമ്പോള്‍ പ്രതിമാസം ആയിരം രൂപ നല്‍കുന്ന പദ്ധതി നിലവിലുണ്ട്. രാജ്യത്തിന്റെ മറ്റുഭാഗങ്ങളിലും വിദേശത്തുമുള്ള പ്രമുഖ വിദ്യാഭ്യാസസ്ഥാപനങ്ങളില്‍ പ്രവേശനം ലഭിക്കുന്ന കുട്ടികള്‍ക്കുവേണ്ടിയാണ് പുതിയ പദ്ധതി.
സർക്കാർ സ്കൂളുകളില്‍ പഠിച്ച 447 വിദ്യാർഥികള്‍ക്ക് ഈവർഷം ഇതുവരെ രാജ്യത്തിനകത്തും പുറത്തുമുള്ള വിദ്യാഭ്യാസസ്ഥാപനങ്ങളില്‍ പ്രവേശനം ലഭിച്ചതായി ചെന്നൈയില്‍ ഒരു ചടങ്ങില്‍ സ്റ്റാലിൻ പറഞ്ഞു. ഇതില്‍ 14 പേർ ജപ്പാൻ, മലേഷ്യ, തയ്‌വാൻ തുടങ്ങിയ രാജ്യങ്ങളിലെ സ്ഥാപനങ്ങളിലാണ്. 2022-ല്‍ 75 വിദ്യാർഥികള്‍ക്കാണ് പ്രമുഖ സ്ഥാപനങ്ങളില്‍ പ്രവേശനം ലഭിച്ചത്. 2023-ല്‍ അത് 274 ആയി. ഈ വർഷത്തെ പ്രവേശനനടപടികള്‍ തുടരുന്ന പശ്ചാത്തലത്തില്‍ എണ്ണം ഇനിയും വർധിക്കും. ഉന്നതവിദ്യാഭ്യാസത്തിനു ചേരുന്ന പെണ്‍കുട്ടികള്‍ക്ക് പ്രതിമാസം 1000 രൂപ നല്‍കുന്ന പുതുമൈ പെണ്‍ പദ്ധതി നടപ്പാക്കിയശേഷം ഉന്നതവിദ്യാഭ്യാസത്തിന് പോകുന്നവരുടെ എണ്ണത്തില്‍ 34 ശതമാനം വർധനയുണ്ടായതായി സ്റ്റാലിൻ പറഞ്ഞു.
പുതിയ തീരുമാനം പ്രഖ്യാപിച്ച് സ്റ്റാലിൻ; തമിഴ്നാട്ടിൽ നിന്ന് വിദേശത്ത് പഠിക്കാൻ പോകുന്നവരുടെ ആദ്യ യാത്രാ ചെലവ് സർക്കാർ വക.
Leave a Reply
POPULAR NEWS
-
പാലാരിവട്ടം ഹോട്ടൽ മൺസൂൺ Embress ൽ ഇന്നലെ റെയ്കി മാസ്റ്റർ ടീച്ചേഴ്സ് കൺവൊക്കേഷനും ഫസ്റ്റ് ഡിഗ്രി വർക്ഷോപ്പും നടന്നു.
-
ഈ കുഞ്ഞൻ വണ്ട് കയ്യിലുണ്ടോ? എന്നാൽ ഒറ്റരാത്രികൊണ്ട് ലക്ഷപ്രഭു ആവാം. കക്ഷി നിസ്സാരക്കാരനല്ല!
-
പോലീസിനെ വെല്ലുവിളിച്ച് റീൽസ് ഇട്ടു; മണൽ കടത്തൽ സംഘത്തെ അറസ്റ്റ് ചെയ്ത് റീൽസ് ഇട്ട് മാസ്സായി നിലമ്പൂർ പോലീസ്!
-
ഞീഴൂർ ഗ്രാമപഞ്ചായത്ത് ഗവ.ആയുർവേദ ഡിസ്പെൻസറി ആയുഷ് ഹെൽത്ത് ആൻഡ് വെൽനസ്സ് സെന്ററിന്റെ നേതൃത്വത്തിൽ നടന്ന അന്താരാഷ്ട്ര യോഗ ദിനാചരണത്തിൽ
-
വിരൽ
© 2023 Prime Media - Developed By webkit Solution