മലപ്പുറം വെളിയങ്കോട് ഫ്ളൈ ഓവറിലായിരുന്നു സംഭവം. വിദ്യാർത്ഥികളുമായി സഞ്ചരിച്ച ടൂറിസ്റ്റ് ബസ് ഇലക്ട്രിക് പോസ്റ്റിൽ ഇടിച്ച് വിദ്യാർഥിനി മരിച്ചു. മലപ്പുറം മൊറയൂർ അറഫാ നഗർ സ്വദേശി മുജീബ് റഹ്മാൻ ബാഖവി യുടെ മകൾ ഫാത്തിമ ഹിബ (17) യാണ് മരിച്ചത്.
ഇന്ന് പുലർച്ചെ നാല് മണിയോടെയാണ് സംഭവം നടന്നത്. അപകടത്തിൽ ഒരു വിദ്യാർഥിക്ക് പരുക്ക് പറ്റിയിട്ടുണ്ട്. വിദ്യാർഥിനിയുടെ പരിക്ക് ഗുരുതരം ആണെന്നാണ് വിവരം. മറ്റ് വിദ്യാർഥികൾ എല്ലാവരും സുരക്ഷിതരാണ്. ഒഴുകൂർ പള്ളിമുക്ക് ഹയാത്തുൽ ഇസ്ലാം മദ്രസ വിദ്യാർത്ഥികൾ സഞ്ചരിച്ച ബസാണ് അപകടത്തിൽപ്പെട്ടത്.
