പാലിൽ കാൽസ്യത്തിന്റെ ഗുണങ്ങൾ അടങ്ങിയിട്ടുണ്ട് എന്ന കാര്യം എല്ലാവർക്കും അറിയാം. എന്നാൽ ഇത് കൂടാതെ, ഇതിന് ധാരാളം ആരോഗ്യ ഗുണങ്ങൾ വേറെയുമുണ്ട്.
ഒരു ഗ്ലാസ് ചൂട് പാൽ കുടിക്കുന്നതിലൂടെ നിങ്ങൾക്ക് ലഭിക്കുന്ന അഞ്ച് പ്രധാന ഗുണങ്ങൾ ഇതാ:
1. രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഇത് സഹായിക്കുന്നു: പാൽ കുടിക്കുന്നത് ബ്ലഡ് ഷുഗർ നിയന്ത്രിക്കാൻ സഹായിക്കും. ഉറങ്ങുന്നതിനുമുമ്പ് പഞ്ചസാര ചേർക്കാത്ത ഒരു കപ്പ് പാൽ കുടിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാനുള്ള ഒരു മികച്ച മാർഗമാണ്. പ്രധാനമായും ടൈപ്പ് – 1 പ്രമേഹരോഗികൾക്കും രക്തത്തിലെ പഞ്ചസാരയുടെ ഏറ്റക്കുറച്ചിലുകൾക്ക് സാധ്യതയുള്ളവർക്കും.
2. നല്ല ഉറക്കം ലഭിക്കാൻ: ചൂട് പാൽ ഉറക്കത്തെ പ്രേരിപ്പിക്കുന്നു. നിങ്ങളുടെ മനസ്സിനും ശരീരത്തിനും വിശ്രമമേകുവാൻ ചൂട് പാൽ കുടിക്കുന്നത് സഹായിക്കുന്നു. ഉറങ്ങുന്നതിനുമുമ്പ് ഒരു ഗ്ലാസ് ചൂട് പാൽ കുടിക്കുന്നത് ഉറക്കത്തിന്റെ ഗുണനിലവാരം ഉയർത്താനും മെച്ചപ്പെടുത്താനും സഹായിക്കുന്നു. ‘ട്രിപ്റ്റോഫാൻ’ എന്ന പദാർത്ഥത്തിന്റെ സാന്നിധ്യം കാരണമാണിത് സാധ്യമാകുന്നത്. നിങ്ങളുടെ ദഹനം മെച്ചപ്പെടുത്താനും പ്രതിരോധശേഷി വർദ്ധിപ്പിക്കാനും ഇത് ഏറെ സഹായിക്കും.
3. ശരീരഭാരം കുറയ്ക്കാൻ : ഉറങ്ങുന്നതിനു മുൻപ് ഒരു ഗ്ലാസ് ചൂട് പാൽ കുടിക്കുന്നത് തൃപ്തി വർദ്ധിപ്പിക്കുന്നു. ഇത് ഏതെങ്കിലും തരത്തിലുള്ള ഭക്ഷണത്തോടുള്ള കൊതിയെ തടയുന്നു. ഇതിലൂടെ അനാരോഗ്യകരമായ ലഘുഭക്ഷണം കഴിക്കുന്നത് ഒഴിവാക്കുകയും, അതുവഴി ശരീരഭാരം കുറയുകയും ചെയ്യുന്നു.
4. അസ്ഥിബലത്തിന്: അസ്ഥികളുടെ സാന്ദ്രത വീണ്ടെടുക്കാൻ പാൽ കുടിക്കുന്നത് സഹായിക്കുന്നു, പ്രത്യേകിച്ച് സ്ത്രീകളിൽ. ഒരു ഗ്ലാസ് പാൽ ചൂടോടെ കുടിക്കുന്നത് പാലിലെ പോഷക ഘടകത്തെ വർദ്ധിപ്പിക്കുന്നു. പാല് ചൂടാക്കുന്നത് വഴി അതിൽ അടങ്ങിയിരിക്കുന്ന എൻസൈമുകളെ സജീവമാക്കുന്നു, അവയെ ശരീരം നന്നായി ആഗിരണം ചെയ്യുകയും, അസ്ഥികളുടെ സാന്ദ്രത മെച്ചപ്പെടുത്തുകയും ചെയ്യുന്നു. കൂടാതെ ചൂട് പാൽ കുടിക്കുന്നത് വഴി അസ്ഥി സംബന്ധമായ അസുഖങ്ങളായ ഓസ്റ്റിയോപീനിയ, ഓസ്റ്റിയോപൊറോസിസ് (അസ്ഥിക്ഷയം), ഒടിവുകൾ മൂലമുള്ള പ്രശ്നങ്ങൾ എന്നിവ ലഘൂകരിക്കാൻ സഹായിക്കും.
5. വായയുടെ ആരോഗ്യം സംരക്ഷിക്കുന്നു: പല്ല് നശിക്കുന്നതും വായ്‌നാറ്റം ഉണ്ടാകുന്നതും മൂലം നിങ്ങൾ അസ്വസ്ഥരാണെങ്കിൽ, ദിവസവും ഒരു ഗ്ലാസ് ചൂട് പാൽ കുടിക്കുന്നത് ഈ പ്രശ്നങ്ങളെ മറികടക്കുവാൻ നിങ്ങളെ സഹായിക്കും. പാൽ നിങ്ങളുടെ പല്ലിന്റെ ഇനാമലിൽ ഒരു സംരക്ഷണ ഫലമുണ്ടാക്കുന്നു, ഇത് പല്ലുകൾ നശിക്കുന്നതിനുള്ള സാധ്യത കുറയ്ക്കുന്നു. നിങ്ങളുടെ പല്ലിന്റെ ഫലകത്തിൽ വസിക്കുന്ന സൂക്ഷ്മജീവികളെ മാറ്റുന്ന ബയോ ആക്റ്റീവ് ഘടകങ്ങൾ പാലിൽ ഉണ്ട്, അങ്ങനെ ഇത് പല്ലിന് ഒരു സംരക്ഷണ ഫലം നൽകുന്നു. പാലിൽ നിന്നുള്ള കെയ്‌സിൻ-ഫോസ്ഫോപെപ്റ്റൈഡുകൾ പല്ലിന്റെ ഉപരിതലത്തിൽ കാൽസ്യം, ഫോസ്ഫേറ്റ് എന്നിവയുമായി പ്രതിപ്രവർത്തിക്കുമ്പോൾ അവ കൊളോയ്ഡൽ അമോഫസ് കാൽസ്യം ഫോസ്ഫേറ്റ് കോംപ്ലക്സുകൾ ഉത്പാദിപ്പിക്കുന്നു, ഇത് പല്ലിന്റെ ഇനാമലിന്റെ പുനർ ധാതുവൽക്കരണത്തെ പ്രോത്സാഹിപ്പിക്കുന്നു.
പാൽ ഒരു സമ്പൂർണ്ണ ഭക്ഷണമായി കണക്കാക്കപ്പെടുന്നു, മാത്രമല്ല ഉയർന്ന അളവിൽ പോഷകങ്ങൾ ഉള്ളതിനാൽ (ഉദാ. ഊർജ്ജം, പ്രോട്ടീൻ, കൊഴുപ്പ്, മറ്റ് മൈക്രോ പോഷകങ്ങൾ) ഇത് ഭക്ഷണക്രമത്തിന്റെ ഗുണനിലവാരത്തെ അടയാളപ്പെടുത്തുന്നു.
ചില അധിക സുഗന്ധവ്യഞ്ജനങ്ങൾ നിങ്ങൾ പാലിൽ ചേർക്കുമ്പോൾ, അത് പാലിന് കൂടുതൽ രുചിയും ഗുണവും വർദ്ധിപ്പിക്കും! ഒരു കപ്പ് ചൂട് പാലിൽ രണ്ട് നുള്ള് മഞ്ഞൾ ചേർത്ത് കുടിക്കുന്നത് ദഹനം മെച്ചപ്പെടുത്തുവാനും പ്രതിരോധശേഷി വർദ്ധിപ്പിക്കുന്നതിനും സഹായിക്കുന്നു.
