ഒപ്റ്റിക്കൽ ഇല്യൂഷൻ എന്ന് പറയുന്നത് പലപ്പോഴും ഏറെ രസകരവും അതുപോലെ നമ്മളെ ചിന്തിപ്പിക്കുന്നതുമാണ്. തിരക്കിട്ടുള്ള ജീവിതങ്ങൾക്കിടയിൽ പലപ്പോഴും ഇത്തരം വിനോദങ്ങൾ നമ്മുടെ മനസ്സിലെ സമ്മർദ്ദം പോലും നീക്കാറുണ്ട്. ഇത്തരത്തിൽ ഒരു ചിത്രത്തിലെ ചതുരങ്ങളെ നിങ്ങൾക്ക് കണ്ടുപിടിക്കാൻ പറ്റുന്നുണ്ടോയെന്ന് നോക്കാം.
ഒറ്റ നോട്ടത്തിൽ ചിത്രത്തിലെ ചതുരങ്ങൾ അനങ്ങുന്നതായിട്ടാണ് തോന്നുന്നത്. ‘സ്ക്വയറുകൾ ചലിക്കുന്നതായി തോന്നിക്കുന്ന ഒപ്റ്റിക്കൽ’ എന്ന തലക്കെട്ടോടു കൂടിയാണ് ഈ ചിത്രം റെഡ്ഡിറ്റിൽ പങ്കുവെച്ചിരിക്കുന്നത്. ഒരേ നിറത്തിലുള്ള പശ്ചാത്തലത്തിൽ നിരവധി ചെറിയ ചാരനിറത്തിലുള്ള ചതുരങ്ങൾ ചിത്രം കാണിക്കുന്നു.
പല തരത്തിലുള്ള കമൻ്റുകളാണ് ചിത്രത്തിനെക്കുറിച്ച് വരുന്നത്. ഇതൊരു ജിഫ് ആണെന്ന് പറയൂ എന്നാണ് ഒരാൾ കമൻ്റിട്ടിരിക്കുന്നത്. യഥാർത്ഥത്തിൽ അത് നീങ്ങുന്നുണ്ടോ ഇല്ലയോ എന്നതിൽ പലർക്കും സംശയമുണ്ട്. എന്തായാലും ഒറ്റ നോട്ടത്തിൽ ചിത്രം കണ്ടാൽ ചതുരങ്ങൾ നീങ്ങുന്നതായാണ് പലർക്കും തോന്നുന്നത്.
