ഏറ്റുമാനൂർ: വീട്ടമ്മയെ ആക്രമിച്ച കേസിൽ ബാംഗ്ലൂർ സ്വദേശിയെ പോലീസ് അറസ്റ്റ് ചെയ്തു. ബാംഗ്ലൂർ സ്വദേശിയായ വിജയ് (25) ആണ് ഏറ്റുമാനൂർ പോലീസിന്റെ പിടിയിലായത്.
കഴിഞ്ഞദിവസം യുവാവ് റൂമിന് സമീപം താമസിച്ചിരുന്ന വീട്ടമ്മയുടെ ഭർത്താവിനെ അസഭ്യം പറയുകയും അക്രമിക്കുകയും ചെയ്തിരുന്നു, ഇത് കണ്ട് തടയാൻ ശ്രമിച്ച ഇയാളുടെ ഭാര്യയെ മർദ്ദിക്കുകയുമായിരുന്നു.
വീട്ടമ്മയുടെ പരാതിയെ തുടർന്ന് ഏറ്റുമാനൂർ പോലീസ് കേസ് രജിസ്റ്റർ ചെയ്യുകയും തുടർന്ന് നടത്തിയ തിരച്ചിലിൽ ഇയാളെ പിടികൂടുകയും, കോടതിയിൽ ഹാജരാക്കുകയും ചെയ്തു.
ഏറ്റുമാനൂർ സ്റ്റേഷൻ എസ്. എച്ച്. ഓ. ഷോജോ വർഗീസിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.
