പ്രൊഫഷണൽ ക്രിക്കറ്റിലേക്ക് തിരിച്ചുവരവിനൊരുങ്ങി കായിക താരം ഹർദിക് പാണ്ഡ്യ. സയ്യിദ് മുഷ്താഖ് അലി ട്രോഫിയിൽ ഇന്ന് നടക്കുന്ന പഞ്ചാബിനെതിരെ ഉള്ള മൽസരത്തിലാണ് താരം കളത്തിൽ ഇറങ്ങുന്നത്.
ശ്രീലങ്കയ്ക്കെതിരായ ഏഷ്യാ കപ്പ് മത്സരത്തിൽ പേശിയിലെ പരുക്കിനെ തുടർന്ന് വിശ്രമത്തിലായിരുന്നു ഹാർദിക്. ബെംഗളൂരുവിലെ ബിസിസിഐയുടെ സെന്റർ ഓഫ് എക്സലൻസിലെ പുനരധിവാസ പരിപാടിയെ തുടർന്നാണ് മുംബൈ ഇന്ത്യൻസ് നായകന്റെ മടക്കം.
ദക്ഷിണാഫ്രിക്കയ്ക്കെതിരായ അഞ്ച് മത്സരങ്ങളുടെ ടി20 പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിക്കാൻ ബിസിസിഐ സെലക്ടർമാർ ഒരുങ്ങുന്നതിനിടെയാണ് ഹർദികിൻ്റെ തിരിച്ചുവരവ്. ദേശീയ സെലക്ടർ പ്രഗ്യാൻ ഓജയുടെ സാന്നിധ്യത്തിൽ നടക്കുന്ന മത്സരം പാണ്ട്യയുടെ ദേശീയ ടീമിലേക്കുള്ള തിരിച്ചുവരവിൽ നിർണ്ണായകമാകും.
