ആഹാരം വിളമ്പാന് വൈകിയെന്ന ഒറ്റ കാരണത്താല് കല്ല്യാണത്തില് നിന്ന് പിന്മാറി വരന്. ശേഷം, വരന് സ്ഥലത്ത് നിന്ന് പോവുകയും പിന്നീട് ബന്ധുവായ മറ്റൊരു പെൺകുട്ടിയെ വിവാഹം കഴിച്ചുവെന്നും റിപ്പോര്ട്ടുകളുണ്ട്.
ഉത്തര്പ്രദേശിലെ ചന്ദൗലി ജില്ലയിലെ ഹമീദ്പൂര് ഗ്രാമത്തിലാണ് സംഭവം. ഡിസംബര് 22ന് പരമ്പരാഗത ആഘോഷങ്ങളോടെ വിവാഹ ചടങ്ങ് ആരംഭിച്ചു. വധുവിന്റെ കുടുംബം വിവാഹത്തലേന്ന് വരന്റെ ആളുകളെ മധുരപലഹാരങ്ങള് നല്കി സ്വാഗതം ചെയ്തു.
പിന്നീട് അത്താഴം വിളമ്പുകയും ചെയ്തു. റൊട്ടി വിളമ്പിയത് വൈകിയെന്നാരോപിച്ച് വരനൊപ്പം വന്ന ഒരാള് ബഹളം വെച്ചതാണ് സംഭവത്തിൻ്റെ തുടക്കം. ഇത് പിന്നീട് സംഘര്ഷത്തില് കലാശിക്കുകയായിരുന്നു.
വരന് ഉടന് തന്നെ സ്ഥലത്ത് നിന്ന് പോവുകയും പിന്നീട് ബന്ധുവായ മറ്റൊരു പെൺകുട്ടിയെ വിവാഹം കഴിക്കുകയുമായിരുന്നു. സംഭവത്തില് വധുവിന്റെ വീട്ടുകാര് പരാതി നല്കി. സ്ത്രീധനമായി നല്കിയ 1.5 ലക്ഷം രൂപ ഉള്പ്പെടെ 7 ലക്ഷം രൂപയുടെ സാമ്പത്തിക നഷ്ടം ഉണ്ടായതായി വധുവിന്റെ കുടുംബം പരാതിയില് പറയുന്നു
.
