ഡൽഹി : രാജ്യവ്യാപകമായുള്ള വിവിധ കാർഷിക സർവകലാശാലകളിലെ യുജി, പിജി, പിഎച്ച്ഡി പ്രവേശനത്തിനുള്ള കൗൺസലിങ് ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച്ച് (ICAR 2025) ആരംഭിച്ചു. ഓൺലൈൻ കൗൺസലിങ് പ്രക്രിയയ്ക്കാണ് തുടക്കമായത്. നാല് റൗണ്ടുകളിലായുള്ള കൗൺസലിങ്ങിൽ ഒരു അധിക മോപ്അപ്പ്/ ഫൈനൽ റൗണ്ടായി നടത്തും.
ചോയ്സ് പൂരിപ്പിക്കാനും രേഖകൾ അപ്ലോഡ് ചെയ്യാനും ഒക്ടോബർ 17ന് രാത്രി 11.50 വരെയാണ് അവസരം. ആദ്യ റൗണ്ട് സീറ്റ് അലോട്ട്മെന്റ് 21ന് നടക്കും. രണ്ടാംറൗണ്ട് 27നും മൂന്നാംറൗണ്ട് 31നും നാലാംറൗണ്ട് അലോട്ട്മെന്റ് നവംബർ നാലിനും മോപ്-അപ്പ്/ ഫൈനൽ റൗണ്ട് എട്ടിനുമാകും നടത്തുക.
സംസ്ഥാന കാർഷിക സർവകലാശാലകളിലെ അഖിലേന്ത്യ ക്വോട്ട സീറ്റുകളിൽ 20 ശതമാനവും കേന്ദ്ര കാർഷിക സർവകലാശാലകളിലെ 100 ശതമാനം സീറ്റുകളും ഐസിഎആർ നികത്തും. കൂടുതൽ വിവരങ്ങൾക്ക് https://icarcounseling.com, icar.org.in ൽ ബന്ധപ്പെടാം.
