പത്തനംതിട്ട :- യുഡിഎഫ് സ്ഥാനാർഥിയുടെ മേൽ കരി ഓയിൽ ഒഴിച്ചു. മെഴുവേലി പഞ്ചായത്ത് പത്താം വാർഡിൽ മത്സരിക്കുന്ന ബിജോ വർഗീസിനു നേരെ ബൈക്കിൽ പോകുമ്പോഴായിരുന്നു ആക്രമണം. സംഭവം. തുടർന്ന് സ്ഥാനാർഥിയും പ്രവർത്തകരും ചേർന്ന് ഇലവുംതിട്ട പോലീസ് സ്റ്റേഷനിൽ പരാതി നൽകി.
റിട്ടേണിങ് ഓഫിസർ തിരഞ്ഞെടുപ്പുമായി ബന്ധപ്പെട്ട് വിളിച്ചുചേർത്ത സ്ഥാനാർഥികളുടെ യോഗം കഴിഞ്ഞു പോകുമ്പോഴാണ് ആക്രമണം ഉണ്ടായത്. സംഭവത്തിൽ പ്രതിഷേധിച്ച് കോൺഗ്രസ് പ്രതിഷേധ പ്രകടനം നടത്തി.
ബിജോയുടെ വീടിന് സമീപം ഇലവുംതിതിട്ട രാമൻചിറ റോഡിലെ പട്ടിരേത്ത്പടിയിൽ ശനിയാഴ്ച വൈകീട്ട് അഞ്ചോടെയായിരുന്നു സംഭവം. രണ്ടുപേർ ഇരുചക്ര വാഹനത്തിൽ എത്തി കരി ഓയിൽ ഒഴിച്ച ശേഷം അതിവേഗതയിൽ വാഹനം ഓടിച്ചു കടന്നുകളഞ്ഞതായും ഹെൽമറ്റ് ധാരികളായതിനാൽ ആളുകളെ മനസിലായില്ലെന്നും ബിജോ വർഗീസ് പോലീസിനു നൽകിയ പരാതിയിൽ പറയുന്നു. മൊഴി എടുത്ത് പോലീസ് അന്വേഷണം ആരംഭിച്ചു.
