ഈ വർഷത്തെ സ്വരലയ പുരസ്കാരങ്ങൾ പ്രഖ്യാപിച്ചു. പദ്മശ്രീ കൈതപ്രം ദാമോദരൻ നമ്പൂതിരിക്കും ഗായകൻ സതീഷ്ബാബു കോഴിക്കോടിനുമാണ് പുരസ്കാരം. സ്വരലയ കലാമണ്ഡലം രാമൻകുട്ടി നായർ പുരസ്കാരം 2025, കവിയും ഗാനരചയിതാവുമായ പദ്മശ്രീ കൈതപ്രം ദാമോദരൻ നമ്പൂതിരിക്ക് സമ്മാനിക്കുന്നതാണ്.
സ്വരലയ സമന്വയം വേദിയിൽ വെച്ച് ഡിസംബർ 28 നു മന്ത്രി സജി ചെറിയാൻ അദ്ദേഹത്തിന് പുരസ്കാരം സമർപ്പിക്കും. കൂടാതെ, സ്വരലയ വിജയ ജയരാജ് പുരസ്കാരം പിന്നണി ഗായകനായ സതീഷ് ബാബു കോഴിക്കോടിന് സമ്മാനിക്കും.
ഡിസംബർ 29 നു മന്ത്രി പി.എ.മുഹമ്മദ് റിയാസ് പുരസ്കാരം സമർപ്പിക്കും. 25,000 രൂപയും പുരസ്കാരഫലകവും പ്രശസ്തിപത്രവുമടങ്ങുന്നതാണ് പുരസ്കാരങ്ങൾ. പദ്മശ്രീ കലാമണ്ഡലം ശിവൻ നമ്പൂതിരി, കേരള സംഗീതനാടക അക്കാദമി സെക്രട്ടറി കരിവെള്ളൂർ മുരളി, സംഗീതജ്ഞൻ മണ്ണൂർ രാജകുമാരനുണ്ണി, അപ്പുകുട്ടൻ സ്വരലയം, സ്വരലയ പ്രസിഡന്റ് എൻ.എൻ. കൃഷ്ണദാസ്, സെക്രട്ടറി ടി ആർ അജയൻ എന്നിവരടങ്ങിയ പുരസ്കാര നിർണായ സമിതിയാണ് പുരസ്കാരം നിർണ്ണയിച്ചത്.
