തൃശ്ശൂർ :- പതിനേഴ് വയസ്സുകാരിയെ വീട്ടില് അതിക്രമിച്ചു കയറി പീഡിപ്പിച്ച് ഗർഭിണിയാക്കിയ കേസില് 27 വയസുകാരന് 50 വർഷം കഠിനതടവിനും രണ്ടര ലക്ഷം രൂപ പിഴയും ശിക്ഷ വിധിച്ചു. ചാവക്കാട് പുത്തൻ കടപ്പുറം പണിക്കവീട്ടില് ജംഷീറിനെയാണ് ചാവക്കാട് പ്രത്യേക അതിവേഗ കോടതി ജഡ്ജ് എസ് ലിഷ കുറ്റക്കാരനെന്ന് കണ്ടെത്തി ശിക്ഷ വിധിച്ചത്.
അതിജീവിതയുടെ മൊഴിയുടെ അടിസ്ഥാനത്തില് ചാവക്കാട് എസ് ഐ സി കെ രാജേഷ് കേസ് രജിസ്റ്റർ ചെയ്തു. പെണ്കുട്ടി ഗർഭിണിയാണെന്ന് വീട്ടുകാർ മനസ്സിലാക്കി ആശുപത്രിയില് പ്രവേശിപ്പിച്ചപ്പോഴാണ് ആശുപത്രി അധികൃതർ ചാവക്കാട് പോലീസില് വിവരമറിയിച്ചത്. തുടർന്ന് ഇൻസ്പെക്ടർമാരായ കെ പി ജയപ്രസാദ്, ബോബിൻ മാത്യു, വിപിൻ കെ വേണുഗോപാല് എന്നിവർ അന്വേഷണം നടത്തി കോടതിയില് കുറ്റപത്രം സമർപ്പിക്കുകയായിരുന്നു.
