കോഴിക്കോട് :- നഗരത്തിൻ്റെ സ്വപ്നപദ്ധതികളിലൊന്നായ കല്ലുത്താന് കടവിലെ ‘ന്യൂ പാളയം മാര്ക്കറ്റ്’ സമുച്ചയം ഇന്ന് ഉദ്ഘാടനം ചെയ്തു. 100 കോടിയോളം രൂപ ചെലവഴിച്ച് കോഴിക്കോട് നഗരസഭയുടെ ആഭിമുഖ്യത്തിൽ പി പി പി മാതൃകയിലാണ് പദ്ധതി നടപ്പാക്കിയിരിക്കുന്നത്. മൂന്നര ലക്ഷം സ്ക്വയര് ഫീറ്റിലാണ് മാര്ക്കറ്റ് സമുച്ചയം ഒരുങ്ങിയിരിക്കുന്നത്. വിശാലമായ പാർക്കിംഗ് സൗകര്യവും നൂറ് കണക്കിനു ഷോപ്പുകള് പ്രവര്ത്തിക്കാനുള്ള സൗകര്യവും ഇവിടെ സജ്ജമാണ്. കോഴിക്കോടിൻ്റെ വാണിജ്യമേഖലയെ പുതിയ ഉയരങ്ങളിലേയ്ക്ക് എത്തിക്കാൻ ഈ പദ്ധതി സഹായകമാകും. കല്ലുത്താൻ കടവിലെ കുടുംബങ്ങളെ പുതിയ ഫ്ലാറ്റുകളിലേയ്ക്ക് പുനരധിവസിപ്പിച്ചതിനു ശേഷമാണ് മാർക്കറ്റ് സമുച്ചയത്തിൻ്റെ നിർമ്മാണം ആരംഭിച്ചത്.




