തിരുവല്ല : തിരുവല്ല പൊടിയാടിയിൽ ഓട്ടോറിക്ഷ ഡ്രൈവറായ 47 കാരനെ വീടിനുള്ളിൽ മരിച്ച നിലയിൽ കണ്ടെത്തിയ സംഭവം, മരണം കൊലപാതകമെന്ന് സ്ഥിരീകരിച്ചു. ഈ മാസം 13 നാണ് പൊടിയാടി സ്വദേശിയായ കൊച്ചുപുരയില് ശശികുമാർ കൊല്ലപ്പെടുന്നത്. പോസ്റ്റ് മോർട്ടം റിപ്പോർട്ട് ലഭിച്ചതിന് ശേഷമാണ് കൊലപാതകമാണെന്ന് സ്ഥിരീകരിച്ചത്. ആദ്യം അസ്വാഭാവിക മരണത്തിന് പൊലീസ് കേസെടുത്തിരുന്നു.
പോസ്റ്റ്മോർട്ടത്തിൽ സർജന്റെ നിർണായക കണ്ടെത്തലുകളാണ് കൊലപാതകമാണെന്ന നിരീക്ഷണത്തിലേക്ക് എത്താൻ കാരണം. തൈറോയ്ഡ് ഗ്രന്ഥി മുറിഞ്ഞതായും കഴുത്തിന്റെ ഭാഗത്ത് ആന്തരീക മുറിവുകൾ സംഭവിച്ചതായും കണ്ടെത്തിയിരുന്നു.
സഹോദരന്റെ കുടുംബത്തിന് ഒപ്പമാണ് ശശികുമാർ താമസിച്ചു വന്നത്. പോസ്റ്റ്മോർട്ടം റിപ്പോർട്ടിൽ നിർണായകമായ വിവരങ്ങൾ ലഭിച്ചതിനാൽ കേസുമായി ബന്ധപ്പെട്ട് ബന്ധുക്കളുടേയും സുഹൃത്തുക്കളുടേയും ഉള്പ്പെടെയുള്ള വിശദമായ മൊഴിയെടുക്കുകയാണ് പൊലീസ്.
