സ്വിച്ച് ഇട്ടപ്പോള് ബള്ബ് കത്തിയത് പോലെയല്ല അതിദാരിദ്ര്യ മുക്ത കേരളം പ്രഖ്യാപനത്തിലേക്ക് എത്തിയതെന്ന് മന്ത്രി മുഹമ്മദ് റിയാസ് പറഞ്ഞു. പ്രതിപക്ഷത്തിന് പലതും അംഗീകരിക്കാന് മടിയാണെന്നും അദ്ദേഹം പറയുകയുണ്ടായി.
മുഖ്യമന്ത്രിയുടെ നേതൃത്വത്തില് നടന്ന ടീം വര്ക്കിന്റെ ഫലമാണിതെന്നും അദ്ദേഹം കോഴിക്കോട് മാധ്യമപ്രവർത്തകരോട് സൂചിപ്പിച്ചു. അതേസമയം, സംസ്ഥാന അധ്യക്ഷനും പി കെ കുഞ്ഞാലിക്കുട്ടിയും നിലപാട് വ്യക്തമാക്കട്ടെയെന്ന്, മുസ്ലിം ലീഗ് ജന.
സെക്രട്ടറി പി എം എ സലാമിന്റെ പ്രസ്താവന സംബന്ധിച്ച ചോദ്യത്തിന് അദ്ദേഹം – ‘പി എം എ സലാമിന്റെ ഭാഷയാണോ അവര്ക്കും എന്ന് വ്യക്തമാക്കേണ്ടതുണ്ട്’ എന്ന് മറുപടി പറഞ്ഞു.
